4a Kongreso de E-o de la Ŝtato San-Paŭlo

Inter 10 k 12 okt. 2009 okazis en Bauru, en la ŝtato San-Paŭlo,
Brazilo, la 4a Kongreso de E-o de la Ŝtato San-Paŭlo - la dua plej
granda E-aranĝo en mia lando. Al la evento partoprenis ĉ. 110 homoj
venintaj ne nur el San-Paŭlo sed aliaj ŝtatoj de la brazila federacio.
La temo de la kongreso estis 'Mediprotektado: unuopa kontribuo,
kolektiva ĝuo'. Okazis pluraj prelegoj diverstemaj pri ekologio, E-
lingvo, indiana lingvo, brazila literaturo, meditado, amikeco,
meteologio, mnemoniko ktp se ne paroli pri altnivelaj artaj
prezentaĵoj.